<?xml version="1.0" encoding="UTF-8"?><song><title>يا أبونا ياللي في السما</title>
<lyrics>[V1]
 1- يا أبونا ياللي في السما إنت أحن قلب دايماً أبداً ما هاتنسانا ما إحنا ولادك يارب
 دعيت اسمك علينا وإنت اسمك قدوس خلينا نقدس اسمك يا مخلص النفوس
 2- املك على كل حياتنا اجعلنا نعيش ملكوتك مش قلت لنا إنه داخلنا سمعنا يارب صوتك
 في حياتنا وكل أمورنا كمشيئتك عايزين نسلك طهر يا رب ضميرنا بالحب علينا تملك
 3- زي ما في السما عايزين نسلك كملايكة يارب ع الأرض كمان خلينا دايماً يقودنا الحب
 خبزنا اللي يكفينا علشان ما نعيش اليوم يارب هاتدينا من غير ما نشيل في هموم
 4- خطايانا كتير يارب لو تسمح تغفرها لنا علمنا إزاي بالحب نغفر للي أخطالنا
 ماتدخلناش في تجارب دا إنت عارف ضعفتنا ياللي عننا بتحارب بصليبك انتصارتنا
 5- نجينا من الشرير على طول دايماً يحاربنا علمنا إزاي بكلامك نغلبه لما يهاجمنا
 لأن ليك الملك والقوة كمان والمجد ياللي اسمك مبارك في السما وكمان ع الأرض</lyrics>
<hymn_number>4796</hymn_number>
</song>